ప్రేక్షకులకు మరింత చేరువ అయ్యేందుకు స్టార్ మా నెట్ వర్క్ మహోత్సవం పేరుతో వినూత్న కార్యక్రమాలకు శ్రీ కారం చుట్టింది. అందులో భాగంగా హైదరాబాద్ లోని కెపిహెచ్ బి కాలనీ లో స్టార్ మా నెట్ వర్క్ నిన్న రాత్రి ఈ మహోత్సవం నిర్వహించింది.
అందరిని ప్రత్యక్షంగా కలుసుకుని ఆహ్లాదపరిచే ఈ కార్యక్రమంలో స్టార్ మా లో ప్రసారమయ్యే టాప్ సీరియల్స్ మనసిచ్చి చూడు, సిరి సిరి మువ్వలు నటీనటులు పాల్గొన్నారు. ఈ షో లో మరో ప్రత్యేకత ఏమిటంటే బిగ్ బాస్ తెలుగు 3 సీజన్ పార్టిసిపెంట్ శివజ్యోతి ఈ కార్యక్రమాన్ని ప్రెజెంట్ చేసింది. చల్లని సాయంత్రం వేళ ఆనందోత్సాహాల మధ్య జరుపుకునే వినూత్న కార్యక్రమం మహోత్సవం ను స్టార్ మా నెట్ వర్క్ నిర్వహించడం స్థానికులను ఆనందపరిచింది.
దాదాపు నాలుగు వేల మంది తమ కుటుంబాలతో సహా ఈ మహోత్సవానికి హాజరై ఉల్లాసంగా గడిపారు. సింగర్, డాన్సర్స్, నటీనటులు ప్రేక్షకులను అలరించారు. తెలుగు సినిమా లో తమదైన ముద్ర వేసిన స్టార్ మా మూవీస్, స్టార్ మా గోల్డ్ ఛానెల్స్ ప్రసారాలను శివజ్యోతి ప్రేక్షకులకు పరిచయం చేశారు.
శివజ్యోతితో కలిసి ఈ షో ను హోస్ట్ చేసిన శ్రీకర్ ప్రేక్షకులను కట్టిపడేశారు. విశేషంగా యవతను ఆకర్షిస్తూ రోజు రోజుకూ ప్రాముఖ్యతను పెంచుకుంటున్న స్టార్ మా మ్యూజిక్ ఛానెల్ ను శివజ్యోతి వీక్షకులకు పరిచయం చేసింది.
