కరోనా వైరస్ నివారణ కోసం అమలౌతున్న దేశవ్యాప్త లాక్ డౌన్ లో భాగంగా నిత్యావసర వస్తువులకు ఏ ఆటంకం కలగకుండా ఉండేందుకు వస్తు రవాణ వాహనాలకు జిల్లాలో పోలీసుల నుండి ముందస్తు అనుమతి తీసుకోవాలని వ్యాపారస్తులకు, రవాణాదారులకు అదనపు ఎస్పీ షాకీర్ హుస్సేన్ ఒక ప్రకటనలో తెలిపారు.
ముందస్తు అనుమతి లేకపోవడంతో అన్ని రకాల వాహనాలు ఇష్టానుసారంగా తిరుతున్నాయని, దీనిని అలుసుగా తీసుకొని ఇతర దేశాలనుండి, ఇతర రాష్ట్రాలనుండి వచ్చిన వారిని అనుమతి లేకుండా, ఏ సమాచారం ఇవ్వకుండా చేరవేస్తుండడంతో అలాంటి వారిలో కరోనావైరస్ పాజిటివ్ ఉన్నవారు ఉండవచ్చని ఆయన అన్నారు.
అందుకే ఖచ్చితంగా వాహనం నెంబరుతో అనుమతి పొందాలనీ అదనపు ఎస్పీ తెలిపారు. అత్యవసర సహాయం కోసం వనపర్తి జిల్లా పోలీసు కంట్రోల్ రూమ్ 08545-233331, 08545-231100 నెంబర్లకు ఫోన్ చేసి సంప్రదించి సహాయం తీసుకొని పోలీసువారి సూచనలు పాటించాలని వాహనదారులను, వ్యాపారులను అదనపు ఎస్పీ కోరారు.
