సీపీఐ జిల్లా కౌన్సిల్ ఆహ్వానితురాలిగా కొనసాగుతున్న వైరా నియోజకవర్గానికి చెందిన బానోత్ విజయబాయి ఆ పార్టీ పదవులకు, ప్రాథమిక సభ్యత్వానికి రాజీనామా చేశారు. ఈ మేరకు సీపీఐ ఖమ్మం జిల్లా కార్యదర్శి పోటు ప్రసాద్ కు రాజీనామా లేఖను అందజేశారు. ఇప్పటివరకు పార్టీలో తనకు సహకరించిన ప్రతి ఒక్కరికి కృతజ్ఞతలు తెలుపుతున్నట్లు ఆ లేఖలో పేర్కొన్నారు. గత ఎన్నికలలో ఆమె వైరా లో సిపిఐ అభ్యర్ధిగా పోటీ చేసి వొడిపోయారు. గత రెండు రోజులుగా మాజీ ఎంపి పొంగులేటి తో ఆమె సంప్రదింపులు జరుగుతున్నట్లు ప్రచారం జరుగుతున్న నేపథ్యంలో ఆమె రాజీనామా చర్చ కు దారితీసింది.