32.2 C
Hyderabad
June 4, 2023 18: 33 PM
Slider ఆంధ్రప్రదేశ్

మొహం చాటేసిన చంద్రబాబు వియ్యంకుడు

balakrishna

ఛలో ఆత్మకూరు కార్యక్రమాన్ని తెలుగుదేశం పార్టీ ఎంత ప్రతిష్టాత్మకంగా తీసుకుందో ప్రత్యేకంగా చెప్పనవసరం లేదు. కేవలం గుంటూరు జిల్లా నేతలే కాకుండా, ఇతర జిల్లాలకు చెందిన పార్టీ సీనియర్ నేతలు, ఎమ్మెల్యేలు కూడా ఈ కార్యక్రమంలో పాల్గొన్నారు. అచ్చెన్నాయుడు, చినరాజప్ప వంటి నేతలు చలో ఆత్మకూరులో పాల్గొన్న విషయం తెలిసిందే. వీరి సంగతి ఎలా ఉన్నా… టీడీపీ తలపెట్టిన ఈ కార్యక్రమానికి చంద్రబాబు వియ్యంకుడు, హిందూపురం ఎమ్మెల్యే బాలకృష్ణ దూరంగా ఉండటం చర్చనీయాంశంగా మారింది. అధికార పార్టీని ఇబ్బంది పెట్టే ఈ తరహా కార్యక్రమాల్లోనూ బాలకృష్ణ పాల్గొనకపోతే ఎలా అని పలువురు చర్చించుకుంటున్నారు. చలో ఆత్మకూరు కార్యక్రమానికి పర్మిషన్ ఇవ్వని ఏపీ ప్రభుత్వం… టీడీపీ అధినేత, ఏపీ మాజీ సీఎం చంద్రబాబును సైతం ఆయన ఇంట్లోనే నిర్భందించింది. టీడీపీ ముఖ్యనేతలను సైతం ఎక్కడికక్కడ ఆ పోలీసులు అడ్డుకున్న సంగతి తెలిసిందే. అయితే బాలకృష్ణ వంటి చరిష్మా ఉన్న వ్యక్తి ఈ రకమైన కార్యక్రమాల్లో పాల్గొనే ఉంటే టీడీపీ శ్రేణుల్లో కొత్త ఉత్సాహం నెలకొని ఉండేదని పలువురు టీడీపీ నేతలు అభిప్రాయపడుతున్నారు. అయితే సినిమా షూటింగ్‌లో బిజీగా ఉండటం వల్లే బాలకృష్ణ ఈ కార్యక్రమానికి రాలేకపోయారని మరికొందరు చర్చించుకుంటున్నారు. మొత్తానికి టీడీపీలో అంతో ఇంతో చరిష్మా ఉన్న బాలకృష్ణ వంటి వాళ్లు పార్టీ ప్రతిష్టాత్మకంగా తీసుకున్న కార్యక్రమానికి దూరంగా ఉండటంపై భిన్నాభిప్రాయాలు వ్యక్తమవుతున్నాయి.

Related posts

మెరుగుపడిన విరాట్ కోహ్లీ ర్యాంకింగ్స్

Satyam NEWS

హైకోర్టు అదనపు న్యాయమూర్తుల బాధ్యతల స్వీకరణ

Bhavani

ఈటల సంచలనం నిర్ణయం: వచ్చే ఎన్నికల్లో గజ్వేల్​ నుంచి పోటీ

Satyam NEWS

Leave a Comment

error: Content is protected !!