మాజీ మంత్రి, టీడీఎల్పీ ఉపనేత అచ్చెన్నాయుడి హెల్త్ బులెటిన్ విడుదలైంది. అచ్చెన్నాయుడు ను పోలీసులు అరెస్టు చేసి సుదీర్ఘంగా ప్రయాణం చేయించడం వల్ల గత ఆపరేషన్ గాయం పచ్చిగా మారిందని జీజీహెచ్ సూపరింటెండెంట్ సుధాకర్ తెలిపారు. ఆ గాయానికి చికిత్స అందిస్తున్నామని తెలిపారు.
అవసరమైతే మరోసారి ఆపరేషన్ చేస్తామని ఆయన చెప్పారు. గాయం తగ్గడానికి రెండుమూడు రోజులు పట్టవచ్చునని ఆయన తెలిపారు. బీపీకి ప్రస్తుతం వాడుతున్న మందులనే కొనసాగిస్తున్నామని, షుగర్ నార్మల్ గానే ఉందని డాక్టర్ సుధాకర్ తెలిపారు.