24.7 C
Hyderabad
July 18, 2024 06: 35 AM
Slider ప్రత్యేకం

విశాఖలో ప్రభుత్వ శాఖలకు భవనాలు కేటాయిస్తూ ఉత్తర్వులు

#vizag

కోర్టు తీర్పులు వ్యతిరేకంగా ఉన్నా మూడు రాజధానులపై జగన్ ప్రభుత్వం ముందుకు వెళుతూనే ఉన్నది. విశాఖలో 35 ప్రభుత్వ శాఖల కార్యాలయాల ఏర్పాటుకు భవనాలు కేటాయిస్తూ ఏపీ ప్రభుత్వం గురువారం ఉత్తర్వులు జారీ చేసింది. మంత్రులు, ఉన్నతాధికారులు, కార్యదర్శులకు భవనాలు కేటాయిస్తూ ఆదేశాలు జారీ చేసింది. 2.27 లక్షల చదరపు అడుగుల స్థలం అందుబాటులో ఉందని ప్రభుత్వం ఉత్తర్వుల్లో పేర్కొంది. కార్యాలయాలు, విడిది అవసరాలకు కూడా భవనాలను కేటాయించింది. ఆంధ్రా వర్సిటీ, రుషికొండ, చినగదిలి సమీపంలో భవనాలు కేటాయించారు. పలు శాఖలకు ఎండాడ, హనుమంత్వాక ప్రాంతాల్లో కేటాయించారు. జీఏడీ, ఆర్థిక, గ్రామవార్డు సచివాలయ, ఇంధన మినహా ఇతర శాఖలకు భవనాలు కేటాయించారు. అధికారుల కమిటీ సిఫార్సుల మేరకు ప్రభుత్వ శాఖలకు భవనాలు కేటాయించినట్టు ఉత్తర్వుల్లో పేర్కొన్నారు. సీఎం క్యాంపు కార్యాలయం ఎక్కడో ప్రభుత్వం జీవోలో వెల్లడించలేదు.

Related posts

ప్రాజెక్ట్ నిర్వహణ ప్రాథమిక సూత్రాలపై కార్యశాల

Satyam NEWS

నర్సయ్య సార్ మరణం సమాజానికి తీరని లోటు

Satyam NEWS

ఎస్వీ గోశాలలో ఘనంగా గోపూజ మహోత్సవం

Bhavani

Leave a Comment