దుష్ట చైనా మరో మోసానికి తెరతీసింది. చైనా తన పరిశోధన నౌకను హిందూ మహాసముద్రంలో మోహరించింది. హిందూ మహాసముద్ర ప్రాంతంలోకి ప్రవేశించినప్పటి నుంచి చైనా పరిశోధనా నౌక కదలికలను భారత నౌకాదళం నిశితంగా పరిశీలిస్తోందని రక్షణ వర్గాలు తెలిపాయి. భారత క్షిపణిపై నిఘా పెట్టేందుకు చైనా ఓడను ఇక్కడికి పంపిందని అంటున్నారు.
రానున్న రోజుల్లో భారత్ క్షిపణి పరీక్షలు నిర్వహిస్తుందని అనుమానిస్తున్న డ్రాగన్ ఈ పన్నాగానికి తెరతీసింది. ఇంతకు ముందు కూడా, చైనా హిందూ మహాసముద్రంలో పరిశోధనా నౌకను పంపింది. ఇది వాస్తవానికి గూఢచారి నౌక. కొన్ని నెలల క్రితం కూడా చైనా ఇలాంటి గూఢచారి నౌకను శ్రీలంకలోని హంబన్తోట నౌకాశ్రయంలో లంగర్ వేసింది. సముద్రంలో చైనా నావికాదళం మోహరిస్తున్న గూఢచారి నౌక యువాన్ వాంగ్ VI బాలిస్టిక్ క్షిపణులను పర్యవేక్షిస్తాయి.
చైనా గూఢచారి నౌక యువాన్ వాంగ్ VI హిందూ మహాసముద్రంలోకి ప్రవేశించినట్లు అంతర్జాతీయ వార్తా సంస్థలు వెల్లడించాయి. ఈ గూఢచారి నౌక ప్రస్తుతం బాలి తీరంలో ఉంది. MarineTraffic అనేది ఓడల కదలికను ట్రాక్ చేసే ఆన్లైన్ ప్లాట్ఫారమ్. ఈ ప్లాట్ ఫారం కూడా దీన్ని ధృవీకరించింది. మరికొద్ది రోజుల్లో భారత్ క్షిపణి పరీక్ష నిర్వహించే తేదీని ప్రకటించనున్న తరుణంలో ఈ చైనా గూఢచారి నౌక వచ్చింది.
యువాన్ వాంగ్ VI బాలిస్టిక్ క్షిపణులను ట్రాక్ చేయగలదు. ఓపెన్ సోర్స్ ఇంటెలిజెన్స్ నిపుణుడు డామియన్ సైమన్ ప్రకారం, క్షిపణి పరీక్షను చేసేందుకు బంగాళాఖాతంపై నో ఫ్లై జోన్ కు భారతదేశం నోటిఫికేషన్ జారీ చేసింది. నవంబర్ 10-11 మధ్య ఒడిశా తీరంలోని APJ అబ్దుల్ కలాం ద్వీపం నుండి భారతదేశం క్షిపణి పరీక్షను నిర్వహించవచ్చు. ఈ క్షిపణి 2200 కి.మీ. రేంజ్ సామర్ధ్యం కలది. దీని దృష్ట్యా, పశ్చిమాన శ్రీలంక మరియు తూర్పున ఇండోనేషియా మధ్య ప్రాంతం ను నో ఫ్లై జోన్ గా చేశారు.
ఇప్పుడు ఆ క్షిపణిని ట్రాక్ చేసేందుకు చైనా ప్రయత్నిస్తోంది. భారత క్షిపణి సామర్థ్యం, వేగం, పరిధి, ఖచ్చితత్వం వంటి కీలక సమాచారాన్ని పొందాలని చైనా అనుకుంటున్నది. వీలర్ ఐలాండ్ నుండి భారతదేశం తరచుగా బాలిస్టిక్ క్షిపణులను నిర్వహిస్తూ ఉంటుంది. చైనా ఈ ఏడాది ఆగస్టులో శ్రీలంకలోని హంబన్టోటా ఓడరేవులో గూఢచారి ఓడను ఉంచింది.
ఈ గూఢచారి నౌక పేరు యువాన్ వాంగ్ వీ వి. శ్రీలంక చైనాకు 99 ఏళ్ల పాటు లీజుకు ఇచ్చిన హంబన్తోట ఓడరేవు లో చైనా కార్యకలాపాలు భారత్కు ఆందోళన కలిగించాయి. ఆ సమయంలో, చైనా గూఢచారి నౌకను మోహరించడంపై భారతదేశం అభ్యంతరం వ్యక్తం చేసింది. చైనా నౌకను హంబన్టోటాలో డాక్ చేయడానికి అనుమతించవద్దని శ్రీలంకను కోరింది. ఇప్పుడు చైనా నౌక కొత్త చోట మోహరించింది.