కరోనా కట్టడి లో రాత్రి పగలు తేడాలేకుండా విధులు నిర్వర్తిస్తున్న కడప జిల్లా పోలీస్ సిబ్బందికి రక్షణ కల్పించేందుకు తన వంతు కర్తవ్యంగా పుల్లంపేట మాజీ ఎంపీపీ బాబుల్ రెడ్డి సహాయం అందించారు. నేడు పుల్లంపేట మండలం పర్యటించిన కడప జిల్లా ఎస్పీ కె. కె. ఎన్. అన్బురాజన్ కు ఆయన లక్ష రూపాయల చెక్కును అందచేశారు.
పోలీసు సిబ్బందికి తన తరపున శానిటైజర్లు, మాస్కులు అందజేయాలని బాబుల్ రెడ్డి కోరారు. ఈ కార్యక్రమంలో రాజంపేట డి.ఎస్.పి. వి. నారాయణస్వామిరెడ్డి, పుల్లంపేట ఎస్ ఐ. వినోద్ కుమార్ పుల్లంపేట పోలీసులు, స్థానికులు పాల్గొన్నారు.