ప్రధాని నరేంద్ర మోదీ అధ్యక్షతన శుక్రవారం జరిగిన కేంద్ర మంత్రివర్గం సమావేశం పలు కీలక నిర్ణయాలు తీసుకుంది. ఇందులో సాయుధ దళాలకు వన్ ర్యాంక్ వన్ పెన్షన్ (OROP), పేదలకు ఉచిత రేషన్ ఉన్నాయి. సాయుధ దళాల కోసం OROP నిబంధనలు సవరించారు. 1.7.2014 తర్వాత పదవీ విరమణ చేసిన భద్రతా సిబ్బందితో కలిపి OROP లబ్ధిదారుల సంఖ్య 25,13,002కు చేరుకుందని కేంద్ర సమాచార, ప్రసార శాఖ మంత్రి తెలియజేశారు. 1.4.2014కి ముందు ఈ సంఖ్య 20,60,220. దీంతో ప్రభుత్వంపై రూ.8,450 కోట్ల అదనపు భారం పడనుంది. 1.7.2014 తర్వాత స్వచ్ఛంద పదవీ విరమణ చేసిన రక్షణ సిబ్బందికి ఈ ప్రయోజనం ఉండదు.
జాతీయ ఆహార భద్రతా చట్టం కింద 81.3 కోట్ల మంది పేదలకు ఏడాదిపాటు ఉచిత రేషన్ అందించాలని ప్రభుత్వం నిర్ణయించింది. జాతీయ ఆహార భద్రతా చట్టం కింద 81.3 కోట్ల మందికి ఏడాది పాటు ఉచితంగా ఆహార ధాన్యాలు పంపిణీ చేయాలని ప్రభుత్వం నిర్ణయించిందని కేంద్ర మంత్రి పీయూష్ గోయల్ తెలిపారు. జాతీయ ఆహార భద్రతా చట్టం కింద పేదలకు ఉచితంగా రేషన్ ఇవ్వడానికి దాదాపు రెండు లక్షల కోట్ల రూపాయలు ఖర్చవుతుందని, దాని భారాన్ని కేంద్ర ప్రభుత్వమే భరిస్తుంది.
జాతీయ ఆహార భద్రతా చట్టం ప్రకారం కిలోకు రూ.3 చొప్పున బియ్యం, కిలోకు గోధుమలు రూ.2, ముతక ధాన్యాన్ని కిలోకు రూ.1 చొప్పున ప్రభుత్వం అందజేస్తుందని కేంద్ర ఆహార, ప్రజాపంపిణీ శాఖ మంత్రి గోయల్ తెలిపారు. డిసెంబర్ 2023 వరకు పూర్తిగా ఉచితం అని ప్రభుత్వం నిర్ణయించింది. దీనివల్ల 81.35 కోట్ల మందికి లబ్ధి చేకూరనుంది.
