విశాఖలో మాజీ మంత్రి గంటా శ్రీనివాసరావును పోలీసులు అదుపులోకి తీసుకున్నారు. ఆయనతో పాటుగా కుమారుడు రవితేజను కూడా అరెస్ట్ చేశారు. మాజీ మంత్రి గంటా శ్రీనివాసరావు, గంటా కుమారుడు రవితేజను పోలీసులు అరెస్ట్ చేశారు. విశాఖలో గంటా ఇంటి నుంచి దిశ పోలీస్ స్టేషన్‌కు ఇద్దర్ని తరలించారు. ఈ క్రమంలో ప్రభుత్వానికి వ్యతిరేకంగా టీడీపీ కార్యకర్తలు నినాదాలు చేశారు. చంద్రబాబును అరెస్ట్ చేయడం దుర్మార్గమైన చర్యని.. దేశ రాజకీయాల్లో చంద్రబాబు కీలక పాత్ర పోషించారన్నారు.
అర్థరాత్రి హైడ్రామా చేశారని.. ముఖ్యమంత్రి వైఎస్ జగన్‌మోహన్ రెడ్డి ఆనందం కోసం మాత్రమే చంద్రబాబును అరెస్ట్ చేశారన్నారు. జగన్ జైలుకు వెళ్ళారని అక్కసుతో చంద్రబాబును అరెస్ట్ చేయించినట్లు ఉందన్నారు. రాబోయే రోజుల్లో ఈ ప్రభుత్వానికి ప్రజలు తగిన గుణపాఠం చెబుతారన్నారు. రాబోయే ఎన్నికల్లో జగన్ మోహన్ రెడ్డికి డిపాజిట్లు వచ్చే పరిస్థితి లేదని.. మొదటిసారి తన పేరు కూడా యాడ్ చేశారన్నారు. తాను ఎలాంటి విచారణకైనా సిద్ధంగా ఉన్నానన్నారు. అమరావతి భూముల కేసులో తన పేరు చేర్చారని మండిపడ్డారు. తనపై ఎన్ని కేసులు పెట్టిన ఎదుర్కొవడానికి సిద్దమేనని చెప్పారు.
