కరోనా వైరస్ వ్యాప్తి నిరోధానికి అహర్నిశలూ కృషి చేస్తున్న పోలీసు అధికారులకు హెడ్ షీల్డ్ అను హైదరాబాద్ నగర పోలీసు కమిషనర్ అంజనీకుమార్ నేడు అందచేశారు. ఈ కార్యక్రమంలో సినీ హీరో విజయ్ దేవరకొండ పాల్గొన్నారు. ఈ రక్షణ మాస్కుల ద్వారా కరోనా వైరస్ నుంచి పూర్తి రక్షణ ఉంటుందని ఈ సందర్భంగా పోలీసు కమిషనర్ తెలిపారు.
ఈ కార్యక్రమంలో అడిషనల్ సిపి క్రయిమ్స్ శిఖా గోయల్, ట్రాఫిక్ అదనపు కమిషనర్ అనిల్ కుమార్, శాంతి భద్రతల అదనపు సిపి డి ఎస్ చౌహాన్, స్పెషల్ బ్రాంచ్ సంయుక్త పోలీసు కమిషనర్ తరుణ్ జోషి తదితరులు ఈ కార్యక్రమంలో పాల్గొన్నారు.
