నాగర్ కర్నూల్ జిల్లా లో నల్ల బెల్లం డంప్ కనిపించింది. మీరు చదివింది కరెక్టే. డబ్బుల డంప్ కాదు నల్ల బెల్లం డంప్. నాగర్ కర్నూల్ జిల్లా ఉప్పునూతల మండలం వెల్టూర్ గ్రామ శివారులో ఆబ్కారీ పోలీసులు తనిఖీలు నిర్వహిస్తుండగా ఈ బెల్లం డంప్ దొరికింది.
అక్రమంగా సారా తయారు చేసేందుకు అలవాటు పడ్డ కొందరు ఈ నల్లబెల్లం బస్తాలను అక్కడ నిల్వ చేసుకున్నారు. అయితే అక్కడ నల్ల బెల్లం డంప్ ఎవరు పెట్టారో ఇంకా తేలలేదు. మొత్తం 63 బస్తాల నల్ల బెల్లం ను తెలకపల్లి ఆబ్కారీ పోలీసులు స్వాధీనం చేసుకున్నారు.