సంకలో బిడ్డ –
వీపున మూట
నడినెత్తిన ఎండ
కాళ్ళ కింద మంట
వందల మైళ్ళ నడక
దేహం నుంచి చెమట చుక్కల ధారలు
ముక్కు పుటాలనుంచి నిట్టూర్పుల సెగలు
అన్నం కోసం పేగుల అరుపులు
నీళ్ళు ఇంకిన కళ్ళతో
నడక నడక నడక
నిండు నెలల గర్భిణీ..
డొంకల్లో నిస్సహాయ పురుడు_
పురిటి బిడ్డని పొదివి పట్టి
ఖాళీ కడుపుతో ..
నడక నడక నడక
ఉన్నచోట ఉంటే ఆకలి చావు
నలుగురితో కలిస్తే కరోనా చావు
ఉన్న ఊరినీ అయిన వారినీ వదలి
పిడికెడు గింజల కోసం
పక్షుల్లా ఎగిరి వచ్చిన
వలస కూలీల గోడు ..
చేరాలి సొంత గూడు_
చావైనా బతుకైనా
అయినవారి మధ్య ఉంటే చాలు_
డా.కేతవరపు రాజ్యశ్రీ +91 8500-121990 (C)
