పురుషులందున పుణ్య పురుషుడు
అనేందుకు గొప్ప ఉదాహరణ
అక్షర సంపదను మదిoచి
పలు భాషల తత్వాన్ని ఎదలో
నిక్షిప్త పరుచుకున్న విఙాని
విభిన్న రచనల మాధుర్యాన్ని
జాతి ముంగిట పరిచినకాణాచి
కలిసి రాని కాలాన్ని జయించేందుకు
మౌనాన్ని ఆయుధంగా ధరించినవాడు
రాజకీయ రంగమున చతురుడై
ఒర్పును దుస్తులుగా ధరించి
కాలాన్ని జయించిన నేర్పరి
తెలుగు సీమలో వెలుగుల దివ్వె యితడు
దేశ ప్రజల శిరస్సులపై మెరిసిన కిరీటం
జాతి కీర్తి పతాకను
ఎర్ర కొటపై ఎగురవేసిన ధీశాలి
నిరంతర ప్రజా సంక్షేమాన్ని
కళ్ళల్లో కాంతులుగా నింపుకొని
అసాధ్యాలను సాధ్యాలు చేసి
దేశ ప్రగతికి శ్రీకారం చుట్టిన
బహుముఖ ప్రజ్ఞా శాలి!
అనుభవసారాన్నంతటినీ
విశ్వ వేదిక మీద
సంస్కరణల దీపంగా
వెలిగించిన తెలుగు బిడ్డ
నేతలు, ఆశ్చర్య చకితులయ్యేట్టు
పాలనలో పారదర్శకతను
ప్రవహింప చేసిన రాజకీయ దురంధరుడు
నిరంతర శ్రమలోంచి, అనుభవాలను
ఏరి, మూట గట్టిన మహనీయుడు పి.వి.
ఎస్.ఆర్.పృథ్వి, రాజమహేంద్రవరం, Cell:9989223245
