పువ్వు పుట్టగానే పరిమళించునన్నట్లు
విద్యార్థి దశనుండే ఉద్యమ బాధ్యతలను
భుజానవేసుకొన్న ధీరుడతడు
ప్రజాసంక్షేమమే లక్ష్యంగా సాగిన బాటసారి
నరనరాన దేశభక్తిని జీర్ణించుకున్న ఉపకారి
చేపట్టిన పదవులకు వన్నె తెచ్చిన కార్యశీలి
సాహిత్యంలోని సారమెరిగిన సాహిత్యాభిమాని
తన వాగ్ధాటితో మంత్రముగ్ధులను చేయు వక్త
భాషలెన్నో నేర్చుకున్న బహుభాషావేత్త
విభిన్నరంగాలలో విశ్వరూపం చూపిన వామనుడు
విదేశీయులను సైతం మెప్పించిన బహుముఖ ప్రజ్జాశాలి
భారతీయతకు ప్రతిరూపం పలువురికి మార్గదర్శకం
స్వలాభాపేక్ష లేని సామాజిక కార్యకర్త
అలుపెరుగని ప్రజా సంక్షేమ కార్యకర్త
విజ్జానపు పలుకులతో నిండిన సంద్రం
సాహితీ వీచికల ఉత్తుంగ తరంగం
ఆర్థిక సంస్కరణలకు తొలి విప్లవకారి
దేశాన్ని ప్రగతి దిశవైపు నడిపిన నిరహంకారి
అలుపెరుగని గళం,విరామమెరుగని స్వరం
భరతమాత గర్వించదగిన మణిరత్నం
సామాన్యుడిలా జన్మించిన అసామాన్యుడతడు
నైతిక విలువలకు పట్టం కట్టిన రాజనీతిజ్ఞుడు
అతనే పాములపర్తి వేంకట నరసింహారావు
భారతజాతికి అతను ఆదర్శనీయుడు
అతని జీవితం భరతజాతికి అంకితం
ఆ మహోన్నతుని జీవితం మార్గదర్శకం
డా. వైరాగ్యం ప్రభాకర్, కరీంనగర్, చరవాణి: 9014559059