పిల్లలం మేము పిడుగులం
విరిసీ విరియని పువ్వులం
మురిపించే సిరి మువ్వలం
ముచ్చట గొలిపే నవ్వులం ll పిల్లలంll
చింతలు తెలియని బాలలం
రివ్వున ఎగిరే గువ్వలం
చిలుకపలుకుల హరివిల్లులం
చిట్టిపొట్టి ముద్దుల చిన్నారులం ll పిల్లలంll
సంతోషాలకు ప్రతిరూపాలం
స్నేహ భావ సుమపరిమళాలం
సమతను పంచే శాంతికిరణాలం
సాంత్వన నొసగే పసిపిల్లలంll పిల్లలంll
కల్మషమెరుగని మరు మల్లెలం
ఆటాపాటల అల్లరి బుడుగులం
అమ్మానాన్నల కంటి వెలుగులం
భవ్యభారతికి ప్రగతి దివ్వెలంllపిల్లలంll
పులి జమున, మహబూబ్ నగర్, 8500169682
