ఎగురవే ఎగురవే
స్వాతంత్ర్యపు జెండా
గణతంత్ర మహా యజ్ఞ
జయతంత్ర కేతనమా
అమర వీర త్యాగధనుల
రణ ఫలితమా..!
నవ్య భారత జననీ
నమో దివ్య ధరణి
ఉద్యమమే ఊపిరిగా
ఉద్వేగం ఉషస్సుగా
భగభగ మండే
అగ్ని జ్వాలలా
భగత్ సింగ్ చరిత్ర పుటలు
అల్లూరి కంటిమంటలు
ఆవిర్లై ప్రజ్వలింప
తెల్లదొరల గుండెల్లో
ఫిరంగులై మ్రోగంగా
పర దాస్య శృంఖలాల
విచ్ఛేదనకై శంఖము పూరించగ
శాంతి యోధ సమర దూత
జాతి నేతల సాక్షిగా..!
ఉద్భవించిన గణతంత్రమా…!
నమో.. నమో.. నమో..
నవ భారత గణతంత్రమా..
నీకివే సుమాక్షర మాలలు..
గైకొనుమా మంగళ హారతులు…!!
కె హరనాథ్, చరవాణి:9703542598
