తెలంగాణ తల్లి పండుగలకు పుట్టినిల్లు
బోనాల పండుగే ప్రథమంగా వస్తుంది
తళ తళ మెరిసే బంగారు కాంతులిస్తుంది
బండికి గిత్తలు గట్టుకొని గజ్జల మువ్వలు వేసుకొని
పల్లె పల్లెకు పండుగ కళ వచ్చేస్తుంది
ఎల్లమ్మ ముత్యాలమ్మ, పోచమ్మ సహా
ఏడుగురు అక్కాచెల్లెoడ్లు, గ్రామ దేవతలు
ఆషాడ మాసంలో పూజలందుకుంటారు
కోడి పుంజులు, మేకలతో బోనం స్వీకరిస్తారు
బెల్లం, కల్లు కుండల సాకలు అందుకుంటారు
గోల్కొండలో మహంకాళికి బోనాలు ప్రారంభం
లాల్ దర్వాజ మహంకాళి జాతర ఆరంభం
సికింద్రాబాద్ లో మహంకాళమ్మ కు బోనాలు
బల్కంపేట లో కోరికలు తీర్చే ఎల్లమ్మకు పొరుదండాలు
పసుపు కుంకుమలతో బోనం మీద బోనం పెట్టి జ్యోతిని వెలిగిస్తారు
బాజా బజంత్రిలతో అమ్మవారి సేవకు బయలు దేరుతారు
పోతరాజులు భవిష్య వాణి జ్యోష్యం చెబుతారు
పొట్టి రాజుల ఆట పాటలు అందరిని అలరిస్తాయి
వర్షాలు, పంటలు, దేశప్రగతి విఫులంగా తెలుపుతారు
దయగల గ్రామ దేవలంతా అందరిని ఆశీర్వదిస్తారు
డా.కర్నాటి లింగయ్య, మీర్ పేట్, హైదరాబాద్, 9515298610
