శ్రమయేవ జయతే

తరాల నుండి తాతలు ఆస్తిగా ఇచ్చిన దారిద్ర్యాన్ని మూటకట్టుకొని

బరువుల బతుకు బండిని బహువుల పై మోస్తూ

అష్ట భోగాలకు అదృష్టం నోచుకోని ఆమడ దూరపు బతుకులు

ఒంట్లోని రక్తం చుక్కలను శ్రమశక్తి గా మార్చి

విషవాయువులు  పీల్చి   ఆయువులు హరించినా అమలుకు నోచుకోని కార్మిక చట్టాలు

కన్నీటి  చెలమలై చల్లారిన ఆశలు

మారని తలరాతల గీతలు

జీవితంలో రాజీ పడలేక పోరాడుతూనే ఉన్న కార్మికులం

వ్యవసాయాన్ని యాంత్రిక రించి

పారిశ్రామికాన్ని అభివృద్ధి పరచి

శ్రామిక శక్తిని అనిచి వేస్తే ఎలా?

చారిత్రక సామ్రాజ్యాల సంపదల త్యాగనిరతికి చిరునామాలు కాదా మా శ్రమశక్తి

సౌధాల సౌందర్యం కనువిందు చేస్తూ కనిపిస్తుంది అందరికీ

మా రుధిర హస్తాలు ముద్రించిన శ్రమైక సౌందర్యం ఏ నేత్రాలకు కనబడును

పొంగిన ఉద్వేగంతో ఉక్కు పిడికిలి బిగించి

శ్రమ శక్తిని ఆయుధంగా మలిచి

హక్కుల ఉద్యమ పోరుకై సిద్ధమవుదాం

శ్రమయేవ జయతే అంటూ ప్రపంచానికి పరిచయం ముందుకు అడుగు వేద్దాం!!

నెల్లుట్ల సునీత, ఖమ్మం, చరవాణి 7989460657