తనను పదిల పరచు మని
నాటమని నీరు పోయు మని
జాగ్రత్తగా చూడమని
చెప్తుంది విత్తు
అంతే చిన్న బుడిపెగా
మట్టి నుండి పైకొచ్చి
కొంచెం కొంచెం
చిన్ని చిన్ని ఆశల ఆకులతో
ఎదిగి మొక్కగా ఒదిగి
మాను దన్నుగా ఏపుగా
పెరిగి చెట్టు అవుతుంది
కాసుల వర్షం కురిపిస్తుంది
ఆకులు పువ్వులు
కాయలు పండ్లు
నీడ గాలి గూడు
వేర్లు ఇలా ఎన్నో
లాభాల నిస్తుంది
నిస్వార్థ సేవా తత్పరతతో
సంతోషంగా ఇస్తుంది పండ్లు
తాను మోడైన
తర్వాత కూడా కట్టెగా
ఇంధనమై మండుతుంది
వంట చెరకు అవుతుంది
ధరణిపై ముప్పైశాతం
తప్పనిసరి చెట్లు ఉంటే
విషపూరిత వాయువులకు
ఉండదు నెలవు
వాతావరణం అవుతుంది స్వచ్ఛం
అందరూ ఉంటారు
ఆరోగ్యంగా ఆహ్లాదంగా
స్వేచ్ఛ వాయువులు
పీల్చుతూ ప్రియ ప్రకృతిలో
అందుకే మనిషికో మొక్క
నాటాలి పక్కా
కల్పించాలి దానికి రక్షణ
అందుకు విద్యార్థులకు
ఇవ్వాలి శిక్షణ
అప్పుడే అవుతుంది
కార్బన వాయువుల ప్రక్షాళన
తీయని అనుభూతితో
కూడిన భుక్తి కి మనం
పాటించాలి ఈ యుక్తి
ఇది విత్తు అజరామర కాంక్ష
సంధ్య సుత్రావె, ప్రభుత్వ ఉపాధ్యాయురాలు, హైద్రాబాద్, ఫోన్: 9177615967.