వైదిక వాఙ్మయాలకు
భారత భాగవతాలకు
రామాయణ ఇతిహాసాలకు
భగవద్గీత లాంటి ఎంసైక్లోపీడియాలకి
పుట్టినిల్లు మన హిందూదేశం
ఎన్నెన్నో ఖనిజ లవణాలకు
ఖగోళశాస్త్ర నక్షత్రాల లెక్కలకు
కోట్ల విలువైన వజ్ర వైడూర్యాలకు
శుశ్రూతుని వైద్యవిద్యకి
ఏకలవ్యుని విలువిద్యకి
చదువులతల్లి సరస్వతీ మాతకు
పుట్టినిల్లు మన భారతదేశం
ప్రపంచం కన్నుతెరవక ముందే
పట్టుబట్టలు నేసి
ఆరుగజాల చీరతో అలరారిన దేశం
సాంప్రదాయాల మాటున
ఆరోగ్యరహస్యాలను మూటగట్టి
దాచిపెట్టి వారసత్వంగా అందింస్తున్న దేశం
రాజ్య పరిపాలనలోను
ప్రజల జీవన విధానంలోను
కోటల కట్టడాలలోను దేవళాలలోనూ
పద్యాలలోను ప్రభంధాలలోను
పిల్లకాలువలలోను
సముద్రగర్భంలోను
హిందూత్వం జెండా ఎగరేస్తుంటే
ప్రపంచ నలు మూలలనుండి
హిందు దేశంపై దండెత్తి వచ్చిన
అందరి మతాలను తనలో కలుపుకుని
సర్వమానవ సమానత్వానికి
ప్రతీకయై
ప్రత్యేకమై వెలుగొందినది మన దేశం
జై భారత్ జై జై భారత్
అంటూ అందరి పొగడ్తలకు
అర్హమై అనునిత్యం అలరారుతున్నది
దేవలపల్లి సునందా రెడ్డి