అనురాగ వనిత వమ్మా
నీవమృత మూర్తివమ్మా
త్యాగమే ఘనతని
నిలిచిన నిండుకుండవమ్మా
నీ చిరునవ్వులె వెన్నెల దివ్వెలు
నీ దరహాసం వికసిత వదనం
సరస్వతిని వశపరిచిన
బృహస్పతివి నీవమ్మా
అడుగడుగున ధైర్యాన్ని స్థైర్యాన్ని
సమస్యల వలయాన్ని సునాయాసంగా
ఛేదించి మార్గ దర్శిగ నిలిచిన
అపురూపమృత గురుమూర్తివమ్మ
మీ సేవాభావ పురస్కార ఆదరణ
ఉన్నత గవాక్షి అక్షర రక్షణ కవచాలమ్మ
మీ జీవన నిస్వార్థ యాత్ర
గుండె గుండెకొక దర్పణమమ్మా
శక్తిని, యుక్తిని భక్తిని బడివొడిని
ప్రసాదించిన వేంకటేశ్వరుని గుడి
మీ ఇలవేల్పుగ తీర్చిదిద్దుకున్న
మహోన్నత చరిత నీ దమ్మా
అనురాగవనితవమ్మా
నీ వమృత మూర్తి వమ్మా
కె.హరనాథ్, 9703542598
