మితిమీరిన సామ్రాజ్య వాదం
దురాక్రమణలు, వలసవాదాలు
ప్రపంచ యుధ్ధాలు, అణ్వస్త్రాలతో
నాగరికత, మానవత్వాలను
నిశివడిలోకి నెట్టివేసినవేళ
నవ శకానికి నాందిపలుకుతూ
తూర్పున ఉదయించింది ఓ కాంతి కిరణం
అగ్రరాజ్యాల అహంకారం
పశ్చిమాన కుంగిపోగా
శాంతిపూర్వక, సహజీవన
సామరస్య,సహకారాల సమ్మెళనంతో
శాంతికాముకల ముద్దుబిడ్డ
‘ పంచశీల’ పేరుతో
బాలభానుడిలా ఉదయించి
యావత్ ప్రపంచానికి తన
నులివెచ్చని కిరణాలను పంచింది
గౌతమబుద్ధుని అహింసాసిద్ధాంతాలనే
బోధి వృక్షం నీడలో పరిఢమిల్లే
మన భారతావని, తన సహచరులతో కలసి
ప్రపంచ శాంతికి అందించిన
ఈ అపూర్వ కానుక
” పంచశీల”
భారతజాతి సంస్కృతి కి ప్రతీక
పీ.వీ.యస్. కృష్ణ కుమారి
