స్వతంత్ర భారత
అమృతోత్సవ మహోత్సవ
శుభ తరుణారుణ
కిరణ మధురక్షణాలివి
రణ వీరుల పుణ్యధాత్రి
అమరవీర త్యాగధనుల
ఆత్మార్పణ ఫలితమిది
నవ్య భారత జననీ
నమో దివ్య ధరణి
ఉద్యమమే ఊపిరిగా
ఉద్వేగం ఉషస్సుగా
ధ్వజమెత్తిన ధీర పుత్రుల
రత్నగర్భ భరతావని ఇది
ఇట…
అల్లూరి కంటి మంటలు
ఆవిర్లై ప్రజ్వలింప
భగ భగ మండే అగ్నిజ్వాలల
భగత్ సింగ్ చరిత పుటలు
తెల్లదొరల గుండెల్లో
ఫిరంగులై మ్రోగంగా
అమృతోత్సవామృత
ఘడియలివి
పరదాస్య శృంఖలాల
విచ్ఛేదనకై శంఖము పూరించగా
శాంతి యోధులు
సమర దూతలు
జాతి నేతల సాక్షిగా
ఉద్భవించిన
జయతంత్ర కేతనమిది
అమ్మా…
స్వతంత్ర భారతి
వందనమమ్మా వందనం
శతకోటి వందలాది
వందనములు
గైకొనుమమ్మా అక్షరాంజలి
అమృతోత్సవ మహోత్సవ
శుభ తరుణారుణ
కిరణ మధురక్షణాన
(స్వతంత్ర భారత అమృతోత్సవాల సందర్భంగా రవీంద్ర భారతిలో జరిగిన రాష్ట్ర స్థాయి కవి సమ్మేళనం లో చదివిన కవిత)
కె.హరనాథ్, 9703542598
