ట్రైబల్ వెల్ఫేర్ పాఠశాల లో నెలకొన్న సమస్యలు పరిష్కరించాలని కోరుతూ తెలంగాణ ట్రైబల్ వెల్ఫేర్ కమిషనర్ క్రిస్టినా కు ములుగు ఎమ్మెల్యే సీతక్క వినతి పత్రం సమర్పించారు. ఈ రోజు హైదరాబాద్ లో ట్రైబల్ వెల్ఫేర్ కమిషనర్ క్రిస్టినాని కలిసి పాఠశాలలో ఉన్న సమస్యలు వివరించారు. ములుగు ఎమ్మెల్యే సీతక్క ఈ సందర్భంగా మాట్లాడుతూ ములుగు నియోజకవర్గంలో ట్రైబల్ వెల్ఫేర్ ఆశ్రమ పాఠశాలలు మరియు కళాశాలలలో కనీస మౌలిక సదుపాయాలు లేక విద్యార్దులు త్రీవ అందోళనకు గురవుతున్నారని అన్నారు. అందువల్ల తన డిమాండ్లు నెరవేర్చాలని ఆమె కోరారు.
ఎమ్మెల్యే సీతక్క కోరిన వివరాలు ఇవి:
- 2022-23 అకాడమిక్ విద్య సంవత్సరం పూర్తి కావడానికి మూడు నెలలు మాత్రమే ఉన్నప్పటికీ కనీసం ఇప్పటి వరకు విద్యార్దులకు యూనిఫాం ఇవ్వలేదు, వెంటనే విద్యార్దులకు యూనిఫాంను సౌకర్యం కల్పించాలి.
- ప్రధానంగా వందలాది మంది విద్యార్ధులు ఉండే ఆశ్రమ పాఠశాలలు ఎక్కడ ఎక్కడో అడవులల్లో ఉండటంతో విద్యార్ధులు అనారోగ్యానికి గురైతే ప్రథమ చికిత్స చేయడానికి ఏఎన్ఎంలు లేక త్రీవ ఇబ్బందికి గురవుతున్నారు, వెంటనే ఆశ్రమ పాఠశాలల్లో ఏఎన్ఎంలను ఏర్పాటు చేయాలి.
- కొన్ని పాఠశాలలలో తరగతి గదులనే డార్మేటరిలుగా ఉపయోగిస్తున్నందున పిల్లలు చాల ఇబ్బందులు పడుచున్నారు, ఈ సమస్యను వెంటనే పరిష్కరించాలి.
- ఆశ్రమ పాఠశాలలో ఉండే విద్యార్థులకు అనారోగ్యంతో ఏదైనా పెద్ద సమస్యకు గురైతే దూర ప్రాంతంలో ఉండే హాస్పిటల్ కు వెళ్ళడానికి ఒక వాహనం కూడా ఏర్పాటు చెయ్యాలి.
- ఆశ్రమ పాఠశాలల పాత బిల్డింగులు శిథిలావస్థలో ఉన్న స్థానములో నూతన బిల్డింగులు మంజూరు చేయాలి.
- ఫ్యాన్లు, ట్యూబ్ లైట్లు మరియు ఇతర ఎలక్ట్రికల్ సమస్యలు పునరుద్దరించాలి.
- విద్యార్దుల తాగు నీటి సమస్యను పరిష్కరించాలి.
- తరగతి గదులకు మరియు టాయిలెట్లకు డోర్స్ లేకపోవటంతో విద్యార్దులు చాలా ఇబ్బందులు పడుచున్నారు. కావున, వెంటనే సమస్యను పరిష్కరించాలి.
- ప్రస్తుత కంప్యూటర్ యుగంలో విద్యార్ధులు ప్రపంచ జ్ఞానాన్ని అందిపుచ్చుకునేందుకు కంప్యూటర్ ఆపరేటరుని నియమించి, పిల్లలకు ఇంటర్ నెట్ సౌకర్యం కల్పించాలి మరియు ప్రొజెక్టర్ ఉన్నప్పటికీ దానిని మెయింటెనెన్స్ చేయకపోవటం వలన పని చేయటం లేదు. కావున, వెంటనే ఈ సమస్యను పరిష్కరించాలి.
- పిల్లలు మధ్యాహ్న భోజన సమయంలో ఆహరం తీసుకునేందుకు డైనింగ్ హాలులో ఫర్నీచర్ ఏర్పాటు చేయాలి.
- ఆశ్రమ పాఠశాలలలో పి.ఈ.టి. టీచర్లు మరియు భోధన సిబ్బంది ఖాళీలను భర్తీ చేయాలి.
- ఆశ్రమ పాఠశాలలలో విద్యార్ధుల మనోవికాసానికి దోహదం చేసే ఆట వస్తువులు మరియు ఆట స్థలంములో సరైన మౌళిక సదుపాయాలు ఏర్పాటు చేయాలి.
- క్యాజువల్ మరియు డైలీ వెజ్ లేబర్లు గత 30 రోజులుగా వారి సమస్యల పరిష్కారం కోసం విధులు బహిష్కరించి దీక్ష చేస్తున్నారు, ఈ కారణంగా పిల్లలు చాలా ఇబ్బందులు పడుచున్నారు. వారి సమస్యను వెంటనే పరిష్కరించాలని సీతక్క లేఖ లేఖలో పేర్కొన్నారు.
