ఏదో సినిమాలో సీన్ లా ఉందా? నిజమే అలానే ఉంది. ఇది సినిమా సీన్ కాదు. మరేమిటి? సినిమా షూటింగా? రెండూ కాదు.
నిజంగానే హైదరాబాద్ లోని ప్రతిష్టాత్మక దుర్గం చెరువు కేబుల్ బ్రిడ్జిపై జరిగిన ప్రమాదం దృశ్యం ఇది. ఓ కారు టైరు పేలి వంతెనపై పల్టీలు కొట్టుకుంటూ బోల్తా పడింది.
కారు బోల్తా పడగానే అదే మార్గంలో వెళ్తున్న వాహనదారులు స్పందించి కారులో చిక్కుకున్న వారిని బయటకు లాగారు.
సమాచారం అందుకున్న పోలీసులు కూడా హుటాహుటినా సంఘటనాస్థలికి చేరుకుని ప్రమాదానికి గురైన కారును తిరిగి పైకి లేపారు.
కారులోని వ్యక్తులంతా క్షేమంగా బయటపడ్డారు. దీంతో అంతా ఊపిరిపీల్చుకున్నారు. ప్రమాదం జరిగిన తీరుపై పోలీసులు దర్యాప్తు చేస్తున్నారు.