అగ్నిప్రమాదంలో నష్టపోయిన వనపర్తి జిల్లా చిన్నంబావి మండలం కేంద్రంలోని శ్రీసాయి ఆటోమొబైల్స్ షాపు యజమాని ఆర్యవైశ్యుడు భీంశెట్టి శ్రీనివాసులు శెట్టికి తెలంగాణ ఆర్యవైశ్య మహాసభలో మూడు లక్షల రూపాయల సహా యాన్ని అందచేసింది. ఆర్యవైశ్య మహాసభ రాష్ట్ర అధ్యక్షుడు అమరవాది లక్ష్మీనారాయణ ఈ సహాయాన్ని ఆయనకు అందజేశారు. చిన్నంబావి మండల ఆర్యవైశ్య సంఘం,వనపర్తి జిల్లా ఆర్యవైశ్య మహాసభ,తెలంగాణ రాష్ట్ర ఆర్యవైశ్య మహాసభ సంయుక్త ఆధ్వర్యంలో మూడు లక్షల రూపాయల సహాయాన్ని అందజేశారని వనపర్తి జిల్లా ఆర్యవైశ్య మహాసభ అధ్యక్షుడు నాగబంది యాదగిరి తెలిపారు. ఈ కార్యక్రమంలో ఆర్యవైశ్య సంఘం నేతలు కొండే మల్లికార్జున్, నాగబంది యాదగిరి, గోనూరు యాదగిరి,విశ్వనాథం భీమయ్య శెట్టి పాల్గొన్నారు.
పోలిశెట్టి బాలకృష్ణ, సీనియర్ విలేకరి
