గత 21 రోజులుగా కరోనాతో ఇబ్బంది పడిన తాను కోలుకున్నట్లు బొమ్మరిల్లు హీరోయిన్ జెనీలియా వెల్లడించారు. మూడు వారాల కిందట తనకు కరోనా పాజిటీవ్ వచ్చిందని ఆమె చెప్పారు.
అప్పటి నుంచి ఇంట్లోనే ఐసోలేషన్ లో ఉన్నట్లు జెనీలియా తెలిపారు. కరోనా పాజిటీవ్ రావడం, ఐసోలేషన్ లోకి వెళ్లడం ఆందోళన కలిగించే అంశాలేనని ఆమె తెలిపారు.
అయితే ఆరోగ్యవంతమైన ఆలోచనలతో వాటిని అధిగమించవచ్చునని జెనీలియా చెప్పారు. ఐసోలేషన్ లో ఒంటరిగా ఉండటం కష్టమే అయినా కరోనాను జయించేందుకు ఇది అవసరమని ఆమె అన్నారు.
