గ్రీన్ ఇండియా ఛాలెంజ్ లో భాగంగా సినీ నటుడు సూపర్ స్టార్ కృష్ణ మూడు మొక్కలు నాటారు. ఈ కార్యక్రమంలో రాజ్యసభ సభ్యుడు ఎంపీ సంతోష్ కుమార్, మనం సైతం కాదంబరి కిరణ్ పాల్గొన్నారు. మూడు మొక్కలు నాటడమే కాకుండా హీరోలు పవన్ కళ్యాణ్, తమిళ సూపర్ స్టార్ రజినీకాంత్ , హీరో వెంకటేష్ లకు సూపర్ స్టార్ కృష్ణ గ్రీన్ ఛాలెంజ్ ని విసిరారు. వినూత్నంగా ఈ గ్రీన్ ఛాలెంజ్ ను ప్రారంభించిన రాజ్యసభ సభ్యుడు సంతోష్ కుమార్ ను సూపర్ స్టార్ కృష్ణ అభినందించారు. త్వరలోనే గ్రీన్ ఛాలెంజ్ 10 కోట్ల మొక్కలకు చేరుకోవాలని ఆయన ఆకాంక్షించారు. ప్రతి ఒక్కరు గ్రీన్ ఛాలెంజ్ స్వీకరించి 3 మొక్కలు నాటాలని, వాటిని సంరక్షణ చెయ్యాలని పిలుపు నిచ్చారు.
గ్రీన్ఇండియా ఛాలెంజ్ లో మొక్కలు నాటిన సూపర్ స్టార్ కృష్ణ
