“హునార్ హాట్” కార్యక్రమం వల్ల వారసత్వ కళలు పునరుజ్జీవింప చేసుకునేందుకు అవకాశం ఏర్పడుతుందని కేంద్ర మైనారిటీ వ్యవహారాల శాఖ మంత్రి ముఖ్తర్ అబ్బాస్ నఖ్వీ అన్నారు.
హైదరాబాద్ ఎన్.టి.ఆర్ స్టేడియంలో ఏర్పాటు చేసిన 37వ హునార్ హాట్ ని నేడు ఆయన ప్రారంభించారు. కేంద్ర సాంస్కృతిక, పర్యాటక శాఖ, ఈశాన్య రాష్ట్రాల అభివృద్ధి శాఖ మంత్రి జి. కిషన్ రెడ్డి ఈ కార్యక్రమంలో పాల్గొన్నారు.
ప్రధాన మంత్రి నరేంద్ర మోదీ నేతృత్వంలోని కేంద్ర ప్రభుత్వం చేతివృత్తులవారు, కళాకారుల స్వదేశీ వారసత్వాన్ని ప్రోత్సహించేందుకు “మిషన్ మోడ్”పై కృషి చేస్తున్నదని అన్నారు. దేశవ్యాప్తంగా తమ ఉత్పత్తులను ప్రదర్శించడం ద్వారా హస్త కళాకారుల ఆదాయం మెరుగుపడుతుందని నఖ్వీ అన్నారు.
8 లక్షల మంది కళాకారులకు ఉపాధి
కళాకారులు, చేతివృత్తుల వారికి సాధికారత కల్పించే సమర్థవంతమైన ప్రయత్నం అయిన “హునార్ హాట్” గత 7 సంవత్సరాలలో సుమారు 8 లక్షల మంది కళాకారులతో పాటు చేతివృత్తుల వారికి ఉపాధి, ఉపాధి అవకాశాలను అందించిందని నఖ్వీ తెలిపారు.
నరేంద్ర మోదీ ఆలోచనలైన “స్వయం సమృద్ధ భారతదేశం”, “వోకల్ ఫర్ లోకల్” ప్రచారానికి “విశ్వసనీయమైన బ్రాండ్”గా “హునార్ హాట్” మారిందిని నఖ్వీ అన్నారు. ఫిబ్రవరి 25 నుంచి మార్చి 06 వరకు హైదరాబాద్ లో నిర్వహిస్తున్న “హునార్ హాట్”లో 30కి పైగా రాష్ట్రాలు/ కేంద్ర పాలిత ప్రాంతాలకు చెందిన 700 మందికి పైగా కళాకారులు, చేతివృత్తుల వారు పాల్గొంటున్నారని నఖ్వీ తెలిపారు.
అస్సాం, తెలంగాణ, ఆంధ్రప్రదేశ్, బీహార్, గుజరాత్, లడఖ్, జమ్మూ-కాశ్మీర్, పంజాబ్, కర్ణాటక, మధ్యప్రదేశ్, ఉత్తరప్రదేశ్, రాజస్థాన్, జార్ఖండ్, నాగాలాండ్, మేఘాలయ, ఢిల్లీ, మహారాష్ట్ర, ఉత్తరాఖండ్, పశ్చిమ బెంగాల్, మణిపూర్, గోవా, పుదుచ్చేరి, ఛత్తీస్ గఢ్, చండీగఢ్ మరియు హర్యానాతో సహా రాష్ట్రాలు మరియు కేంద్రపాలిత ప్రాంతాలకు చెందిన కళాకారులు, చేతివృత్తుల వారు హైదరాబాద్ లో “హునార్ హాట్”లో పాల్గొంటున్నారు.
ఈ కళాకారులు, చేతివృత్తుల వారు మట్టి, కలప, ఇనుము, ఇత్తడి, పాలరాయి, గాజు మొదలైన వాటితో తయారు చేసిన, చేతితో తయారు చేసిన అరుదైన దేశీయ ఉత్పత్తులను తమతో పాటు తీసుకువచ్చారు.
దేశంలోని వివిధ ప్రాంతాలకు చెందిన సాంప్రదాయ వంటకాలు, ఇక్కడ ఏర్పాటు చేయబడిన సర్కస్ తో పాటు దేశంలోని ప్రఖ్యాత కళాకారుల సాంస్కృతిక-సంగీత కార్యక్రమాలు హైదరాబాద్‌లోని “హునార్ హాట్”లో ప్రధాన ఆకర్షణగా ఉన్నాయని నఖ్వీ అన్నారు. అంతేకాకుండా, “ఆజాదీ కా అమృత్ మహోత్సవ్”లో భాగంగా, “హునార్ హాట్” దేశంలోని గొప్ప స్వాతంత్ర్య సమరయోధుల చరిత్ర ను, వారి పాత్రను కూడా అందంగా చిత్రీకరిస్తోందని అన్నారు.
ప్రఖ్యాత కళాకారులైన పంకజ్ ఉధాస్, అల్తాఫ్ రాజా, సుదేశ్ భోంస్లే, సురేష్ వాడేకర్, మహాలక్ష్మి అయ్యర్, జూ. మహమూద్, మోహిత్ ఖన్నా, భూపిందర్ సింగ్ భుప్పీ, రేఖా రాజ్, ఉపాసన సింగ్, నూరాన్ సిస్టర్స్, ప్రియా మల్లిక్, గుంజన్ సక్సేనా, రాణి ఇంద్రాణి, అంకితా పాఠక్, రితేష్ మిశ్రా హైదరాబాద్‌లోని “హునార్ హాట్”లో ప్రదర్శన ఇవ్వనున్నారు.
రాబోయే రోజుల్లో గౌహతి, న్యూఢిల్లీ, మైసూరు, పూణే, అహ్మదాబాద్, భోపాల్, పాట్నా, ముంబై, జమ్మూ, చెన్నై, చండీగఢ్, ఆగ్రా, ప్రయాగ్ రాజ్, గోవా, జైపూర్, బెంగళూరు, కోటా, సిక్కిం, శ్రీనగర్, లేహ్, షిల్లాంగ్, రాంచీ, అగర్తలా ఇతర ప్రాంతాల్లో కూడా “హునార్ హాట్స్” నిర్వహిస్తామని మంత్రిత్వ శాఖ తెలిపింది.
