రిలయన్స్‌ జియో ఎట్టకేలకు ల్యాప్‌టాప్‌ను మార్కెట్ లోకి తీసుకురానున్నది.. జియోబుక్‌ పేరుతో తీసుకొచ్చిన ఈ ల్యాప్‌టాప్‌ను తక్కువ బడ్జెట్‌లో తీసుకొచ్చారు. గతంలో ఇండియా మొబైల్ కాంగ్రెస్‌లో ప్రకటించిన విధంగానే రియలన్స్‌ జియో బుక్‌ను మార్కెట్లోకి తీసుకొస్తున్నది. త్వరలోనే ఈ ల్యాప్‌టాప్‌ తొలిసేల్‌ను ప్రారంభించనున్నారు. రిలయన్స్‌ డిజిటల్‌ ఇ-కామర్స్‌ వెబ్‌సైట్‌ ద్వారా అందుబాటులోకి తీసుకురానున్నారు. జియోబుక్‌ ల్యాప్‌టాప్‌లో 1366×768 పిక్సెల్స్ రిజల్యూషన్‌తో కూడిన 11.6 ఇంచెస్‌ డిస్‌ప్లేను అందించారు. అడ్రెనో 610 జిపియు స్నాప్‌డ్రాగన్ 665 ఎస్ఓసి ప్రాసెసర్‌ ద్వారా ఈ ల్యాప్‌టాప్‌ పనిచేస్తుంది. ఇందులో 5000 ఎమ్‌ఏహెచ్‌ వంటి శక్తివంతమైన బ్యాటరీని అందించారు. ల్యాప్‌టాప్‌ను ఒక్కసారి ఛార్జ్‌ చేస్తే 8 గంటల పాటు పని చేస్తుంది. ఈ ల్యాప్‌టాప్‌లో 4జీ సిమ్‌కు సపోర్ట్ చేసే ఈ ఫీచర్‌ను అందించారు. వీడియో కాలింగ్‌ కోసం 2 మెగాపిక్సెల్‌తో కూడిన ఫ్రంట్‌ కెమెరాను అందించారు. 2 జీబీ ర్యామ్‌తో పనిచేసే ఈ ల్యాప్‌టాప్‌ జియో ఆపరేటింగ్ సిస్టమ్‌ ఆధారంగా పనిచేస్తుంది. ఇందులో యూఎస్‌బీ 2.0 పోర్ట్, 3.0 పోర్ట్, హెచ్‌డీఎం పోర్ట్ ఉన్నాయి. మైక్రోఎస్‌డీ కార్డు స్లాట్ అందించారు. బ్లూటూత్, 4జీ మొబైల్ బ్రాడ్‌బ్యాండ్ కనెక్టివిటీ వంటి ఫీచర్లను అందించారు. ధర విషయానికొస్తే ఈ ల్యాప్ టాప్ ప్రారంభం ధర రూ. 15,799గా ఉండనుంది.
త్వరలో జియో ల్యాప్‌టాప్‌
