ప్రముఖ శైవ క్షేత్రమైన శ్రీశైలం సంక్రాంతి బ్రహ్మోత్సవాలకు సిద్ధం అవుతున్నది. ఈ నెల 12 నుంచి 18 వరకు శ్రీశైలంలో సంక్రాంతి బ్రహ్మోత్సవాలు జరుగనున్నాయి. దీనికి సంబంధించి అన్ని ఏర్పాట్లు పూర్తి అయినట్లు ఆలయ అధికారులు తెలిపారు. బ్రహ్మోత్సవాలు జరిగే సమయాల్లో ప్రత్యేక దర్శనాలు, సేవలను నిలిపివేస్తున్నట్లు అధికారులు ప్రకటించారు.
ఆర్జిత కల్యాణం, రుద్రహోమం, ఏకాంత సేవలు నిలిపివేస్తున్నారు. బ్రహ్మోత్సవాల్లో భాగంగా మహిళలకు ముగ్గుల పోటీలు నిర్వహిస్తున్నారు. బ్రహ్మోత్సవాలకు భారీ సంఖ్యలో భక్తులు వచ్చే అవకాశం ఉండటంతో ఆలయంలో పటిష్ట ఏర్పాట్లు చేస్తున్నట్లు తెలిపారు అధికారులు.
