కడిగిన ముత్యం

వంగర దొరవైన నీవు

అఖిల భారతావనికి నాయకుడైనావు

బంగారం తాకట్టు పెట్టినట్టి అప్పుల్లోని

భారతావనికి భాగ్యమందించినావు

రాజీవు మరణ చీకటిలోనున్న

భారతావనికి కాంతి పుంజమైనావు

రాజకీయ బలము లేకున్నా ఆర్ధిక

శాస్త్రజ్ఞుడిని మంత్రి గా చేసినావు

ఆర్ధిక సంస్కరణలతో ప్రపంచ దేశాలలో

మన పరువు నిలిపినావు

సభలో ఆధిక్యం లేకున్నగాని

ఆధిపత్యం పూర్తిగా నిలుపుకున్నావు

కుహనా నాయకుల కుట్రలెన్నింటినో

ఎదిరించి పూర్తికాలం పాలించినవు

ప్రతిపక్షాల ఎత్తులకు పై ఎత్తులు వేసే

అపర చాణక్యుని వంటి ధీరుడవీవు

అనేక కుంభకోణాల కుట్రలనుంచి

కడిగిన ముత్యము వలె బయటకు వచ్చితీవు

విశ్వనాధ మహాకావ్యాన్ని హిందీ బాషలో

అనువదించి అందించిన మహా కవివి నీవు

బహుభాషా కోవిదుడైన మహా మౌనివి

కవితాంజలులు తప్పఏమీయగలము నీకు

వి వి కృష్ణ మోహన్, సెల్  9052496284