మంచు దుప్పటి కప్పుకుని
మార్గశిర అందాలతో
ఏతెంచె ధనుర్మాసం
హరిదాసుల కీర్తనలు
ఆధ్యాత్మిక ను నింపె
ముంగిట రంగవల్లులు
రంగుల జీవితాన్ని
కనుల ముందుంచె
గొబ్బీయుల పాటలతో
పల్లెలన్ని పల్లవించె
పొట్టకూటికై పరుగులెట్టె
గంగిరెద్దుల ఆటగాండ్రు
పంటచేతి కొచ్చె పండుగ
సంబరాలు మొదలాయె
కొత్త బియ్యపు పాయసం
నేతి అరిసెల ఘుమఘుమలతో
ఇల్లిల్లూ గుబాళించే
బంతిపూల తోరణాలు
కొత్త అల్లుళ్ళను స్వాగతించే
నింగికెగురుతున్న గాలిపటాలు
మనలోని ఆశలకు ప్రతీకలాయె
అద్దంపు చెక్కిళ్ళ పసిబాలల
భోగిపళ్ళు, బొమ్మల కొలువులు
కోడిపందేలతో
మకర రాశిలోకి సూర్యుడిని
ఆహ్వానిస్తూ మకరసంక్రాంతి
సంబరాలు అంబరాన్నంటే
పి.వి.యస్.కృష్ణ కుమారి
