ఆషాఢ బోనాలు

బోనాల పండుగ మన

సంస్క్రతికి సంప్రదాయానికి ప్రతీక

శాస్త్రియతకు సంకేతిక

ఆషాఢ మాసంలో అమ్మోరికి

నైవేద్యసమర్పణయే బోనాలు

ఇది తెలంగాణ అన్ని ప్రాంతాల్లో

రాయలసీమ కొన్ని ప్రాంతాల్లో

నిర్వహించటం ఆనవాయితీ

తెలంగాణలో  గోల్కొండ  జగదాంబిక

బోనాలు ఆదిగా మొదలయి సికింద్రాబాదు,

లాల్ దర్వాజా బోనాలతో ,వివిధ ప్రాంతాల్లో

ఒక్కోరోజుగా సమర్పించటం ప్రత్యేకత

అనాదిగా ఆషాఢమాసం తొలకరితో

పచ్చదనం సంతరించుకొని ప్రకృతి శోభాయమానంగా

క్రిమికీటకాలకు ఆలవాలంగా ఈగలు దోమలకు

నిలయంగా అంటురోగాలకు అనువుగా మారుతుంది

దీని నివారణకు పరమాత్మయే పరమపితగా

ప్రకృతియే జగన్మాతగా కొలుస్తూ బోనాలు సమర్పిస్తారు

వివిధ పేర్లతో ఉన్న అమ్మవారి గుళ్ళను శుధ్ధిచేసి

భక్తిప్రపత్తులతో కొత్తకుండలో పసుపు కలిపి

అన్నం వండి ,పచ్చిపులుసు ,ఆకుకూర

పానకాన్ని రెండుకుండలలో అమర్చి

పసుపుకుంకుమ వేపకొమ్మలతో అలంకరించి

పైనగండదీపంపెట్టి తలపైపెట్టుకొని

అమ్మవారికి సాముహికంగా

వెళ్ళి బోనం సమర్పించి,ప్రసాదాన్ని స్వీకరిస్తారు

ఘటాలఊరేగింపు,పోతురాజునృత్యాలు,

రంగంఎక్కటం,భవిష్యవాణిపలకటం,

ఫలహారం బండ్లు,సాంస్కృతికకార్యక్రమాలు

గుళ్ళకు విఐపిల సందర్శనలు

మైకులలో అమ్మోరిపాటలహోరు

ఈ బోనాల పండుగ ప్రత్యేకత

బంధుమిత్రులతో కలిసి ఆనందసంతోషాలతో

జాతరలో పిల్లల ఆటవస్తువుల కొనుకోళ్ళతో

పండుగ రెండురోజులు ఆసాంతం మరుసటి

సంవత్సరానికి ఒక తీపిగుర్తుగా మిగులుతుంది

సంధ్య సుత్రావె హైదరాబాద్ 9177615967