జగజ్జనని మహిమగల మహంకాళి
సింహ వాహనమెక్కి కొలువైంది అమ్మ
కోర్కెలను తీర్చేటి కొంగు బంగారము
చూడ కన్నులు చాలని ముగ్ధ సింగారము
వాడవాడలందు అమ్మ రూపమే
వేయికళ్ళతో కాచే దయా స్వరూపమే
అపరశక్తి గల ఆదిశక్తిరూపము
దుష్టులను శిక్షించే కాళికా రూపము
ఆషాఢ మాసాన ఆనవాయితీగా
బోనమెత్తి నిన్ను కొలిచేము
పిల్ల పెద్దలను చల్లంగ చూసి
కలతలన్ని తీర్చు కరుణామయి
కనువిందుగ పోతరాజు విన్యాసాలు
శివసత్తుల నృత్యాలు,కటాల కృత్యాలు
భక్తిభావ తరంగాల అంగరంగ వైభవం
భక్తజన సందోహంతో ఆనంద సౌరభం
విశ్వైక సికింద్రాబాద్
