మోడు వారిని ప్రకృతి
చిగురాకుల తోరణాలు కట్టుకుంటుంది
వేప పూల పరిమళం
వాసంత సమీరాలలో
కమ్మదనాన్ని నింపుతుంది
లేత మావి చివురులు
వీరతిలకం దిద్ది కుంటున్నాయి
గండుకోయిలలు
పాటల యాగానికి
గళం సరి చేసుకుంటున్నాయి
రంగు పూల మధ్య చేరి
గుమ్మాలకు ఊగుతున్న
మామిడాకులు కబుర్లతో
కాలక్షేపం చేస్తున్నాయి
షాపుల నుండి వచ్చిన
కొత్తబట్టలు ఇంటిల్లిపాదినీ
అలంకరిస్తున్నాయి
పిందె మామిడిలు కొమ్మల మధ్యన
దాగుడుమూతలు ఆడుకుంటున్నాయి
కరోనా దుమ్ము పట్టిన ప్రపంచం
ఒళ్ళంతా శుభ్రం చేసుకుంటుంది
నవ చైతన్య కిరణాలు
లోకమంతా ప్రసరిస్తున్నాయి
పదాల రుచులతో
కవితా నైవేద్యాన్ని చేసిన కవి
తన ఉగాది కవితా
పచ్చడిని సహ కవులకు
రుచి చూపిస్తున్నాడు
కొత్త వత్సరాన్ని
అనునయంగా పిలుస్తున్నాడు
శుభ సూచకమైన శుభకృతుకు
స్వాగతం పలుకుతున్నాడు
విశ్వైక, సికింద్రాబాదు