బతుకు యుద్ధంలో…

అలనాడు ఝాన్సీ లక్ష్మీబాయి

రౌద్ర లక్ష్మి అయి

వీపున కన్నబిడ్డతో

సమర రంగాన స్వైర విహారం చేస్తే

నేడు ఈ పేద తల్లి

బిడ్డను నడుముకు కట్టుకుని

ఇక్కట్లకు వెరవక

ఇటుకలు మోస్తూ

బతుకు యుద్ధమే చేస్తోంది

రాణి అయినా..పేదరాలయినా

అమ్మ హృదయం

అనంత ప్రేమ నిలయం

ఎంత బరువు మోస్తున్నా

కన్నబిడ్డ భారం కాదామెకు

‘ చిత్రం ‘ ! పసిబిడ్డ  పరికిస్తోంది తల్లినే

మరి ..అమ్మ కష్టం బిడ్డ గ్రహించేనా?

పెద్దయి.. అమ్మకు అండగ నిలిచేనా?

అయినా..

అమ్మ అమృత హృదయం

ఆశించదు ఏ ప్రతిఫలం!

జె. శ్యామల