నక్షత్రగమనంతో
సృష్టి మొదలు
యుగారంభానికి ఆది
గిరగిర తిరిగే కాలచక్రం
ఒకటి నుండి అరవైఆకులుగా
ముప్పైఆరవఆకు వద్ద
తొలితెలుగు మాసం
చైత్రశుధ్ధ పాడ్యమిన
శుభం పలుకుతూ
వసంతలక్ష్మి తోడ
మన వాకిళ్ళు పావనంచేయ
ప్రాంతంబట్టి పలుపేర్లతో
ఉగాదిగా,గుడిపాడ్వాగా
అందంగా ఆనందాలు పంచ
మనలోగిలి చేరి పలకరించ మామిడాకులు వేపపూతలతో
తీపి చేదుల మిశ్రమాల
కలబోతగా పలురంగుల
పూలగుత్తుల హంగులతో
వసంత ఋతువు దరహాసంతో మనందరిని మలిచలి నుండి
తొలి వేసవిలోకి ప్రసరింపచేస్తూ
వాత కఫ పిత్త దోషాలను
నియంత్రించి రోగనిరోధక
వ్యవస్థను బలోపేతంచేసే
షడ్రుచుల పచ్చడిని
సేవింపచేయ జీవితానుభవసారం
ఇదియే అని గ్రహింపచేయ
కొత్త కార్యక్రమాలు
ఆరంభింపచేయ
పంచాంగశ్రవణాలతో
భవిష్యద్దర్శనం కావించి
కించిత్ జాగరూకులనుచేయ
“శుభకృతు” పేర శుభమస్తు
అంటూ అందరి సుఖాన్ని
కోరుతూ ఆర్తిగా ఆసక్తి కల్గిస్తూ
అందరి స్వాగతపొందుకై
వేచిచూస్తూ వచ్చిందీ పండుగ.
సంధ్య సుత్రావె, ఫోన్:9177615967, సుల్తాన్షాహి,పాత నగరం, హైద్రాబాద్,500065