కెరటం నేర్పే పాఠం

సముద్రంలోని కెరటాలు

ఒక్కో క్షణంలో ఆకాశాన్నే అందుకునేలా ఎగిసి పడతాయి

మరో క్షణం భుజాలమీద మోయలేనన్ని భాధ్యతల బరువులేవో ఉన్నాయనేలాగా కుంగిపోతాయ్

పైకి యెదుగుతున్నప్పుడు

కిందకి పడిపోతామేమో అనే భయంతో ముందడుగు వేస్తుంటే..

ఎదుగుదలలో ఉన్న అనుభూతిని ఆస్వాదించగలమా..?

కిందకి పడిపోతున్నప్పుడు

పడిపోవడం నాకు ఏమి కొత్తకాదు

ఎలాగో మళ్ళీ పుంజుకుంటా అని అనుకోవడం

ఒక కొత్త ఆలోచన కాదా..!!

జీవితంలో ఎన్ని సమస్యలు వచ్చినా

ఎన్ని గెలుపులు వచ్చినా

సమయం సందర్భం ప్రకారం

లేస్తూ పడుతూ ఉంటే

మనం వెళ్లే దూరం భారం అనిపిస్తుందా..?

పడిన ప్రతీసారీ గుర్తు పెట్టుకోవాల్సింది ఏంటంటే..

తిరిగి మళ్ళీ ఆకాశాన్ని అందుకోడానికి కెరటాలకు ఇంకొక ఘడియ చాలు

ఇవేకదా కెరటాలు మనకు నేర్పించే పాఠాలు

దేవలపల్లి ప్రహాసన్ రెడ్డెప్ప రెడ్డి, చరవాణి: 0490547521