యెమెన్ కు చెందిన హౌతీ దాడులతో అతలాకుతలం అవుతున్న యునైటెడ్ అరబ్ ఎమిరేట్స్‌కు సహాయం చేయడానికి అమెరికా యుద్ధ విమానాలను పంపుతున్నది.
ఈ మేరకు అమెరికా రక్షణ కార్యదర్శి లాయిడ్ ఆస్టిన్ అబుదాబి క్రౌన్ ప్రిన్స్ మొహమ్మద్ బిన్ జాయెద్ అల్ నహ్యాన్‌తో మంగళవారం టెలిఫోన్ కాల్‌లో హామీ ఇచ్చారు.
ప్రస్తుత ముప్పుకు వ్యతిరేకంగా యుఎఇకి సహాయం చేయడానికి ఐదవ తరం యుద్ధ విమానాలను మోహరించాలనే తమ నిర్ణయాన్ని యువరాజుకు తెలిపినట్లు లాయిడ్ వెల్లడించారు.
ఇజ్రాయెల్ అధ్యక్షుడి పర్యటన సందర్భంగా UAE పై సోమవారం నాడు క్షిపణి దాడి జరిగింది. రెండు వారాల్లో ఇది మూడవ దాడి. యుఎఇ తన రక్షణ సామర్థ్యాలను అప్‌గ్రేడ్ చేసుకోవడానికి అమెరికాతో చర్చలు జరుపుతున్నట్లు గత వారం ఎమిరేట్స్ రాయబారి చెప్పారు.
