ఆర్జీయూకేటీ బాసర విశ్వవిద్యాలయం హైదరాబాదులో జరిగిన వరల్డ్ ఎడ్యుకేషన్ సమ్మిట్ 2020లో బెస్ట్ ఇన్నోవేషన్ అవార్డును దక్కించుకుంది. ఈ అవార్డును ఉన్నత విద్య, పరిశోధనలో అత్యుత్తమ ప్రదర్శన కనబరిచినందుకు ప్రదానం చేశారని విశ్వవిద్యాలయ ఉప కులపతి డాక్టర్ ఏ అశోక్ తెలిపారు. ఈ అవార్డును రాజస్థాన్ ప్రభుత్వ ఉన్నత విద్య శాఖ కార్యదర్శి శుచి శర్మ, అన్నపూర్ణ కాలేజ్ మీడియా అండ్ ఫిల్మ్ డైరెక్టర్ అక్కినేని అమల చేతుల మీదుగా స్వీకరించారు.
ఈ వరల్డ్ ఎడ్యుకేషన్ సమ్మిట్ లో వ్యవసాయ రంగ౦, మహిళల భద్రత , రోడ్ల భద్రత లాంటి పలు అంశాల మీద విద్యార్థులు రూపొందించిన ఇన్నోవేషన్స్ ని ప్రదర్శించారు. ఈ అవార్డు రావడానికి కృషిచేసిన విశ్వవిద్యాలయ సిబ్బందినీ, విద్యార్థిని విద్యార్థులను అభినందించారు. ఈ కార్యక్రమంలో విశ్వవిద్యాలయ బోధన, బోధనేతర సిబ్బంది, విద్యార్థినీ విద్యార్థులు పాల్గొన్నారు.
