చిన్ననాటనె నిజామును నిరసించినవాడు
వందేమాతరమంటూ దేశభక్తి ప్రకటించినవాడు
అక్షరశక్తిని ఔపోసన పట్టిన వాడు
పదహారు భాషలను ‘పట్టు’ పట్టినవాడు
‘వేయిపడగలు’ నవలను ‘సహస్రఫణ్’ గా అనువదించినవాడు
‘ఇన్ సైడర్’ తో ఖ్యాతి ఇనుమడించిన వాడు
విద్యా మంత్రిగా వినుతికెక్కినవాడు
ముఖ్యమంత్రిగా మన్ననలొందినవాడు
తొలి తెలుగు ప్రధానిగా తేజరిల్లినవాడు
ఆర్ధిక సంస్కరణలెన్నో చేపట్టినవాడు
ఒడుదుడుకులను ఒడుపుగా ఎదుర్కున్నవాడు
పాండిత్యంలో వాచస్పతిగా వెలుగొందినవాడు
రాజకీయంలో బృహస్పతిగా పేరొందిన వాడు
ఎవరయ్య ఆ ఘనుడు?
ఎవరయ్య ఆ ప్రాత:స్మరణీయుడు?
ఇంకెవరయ్య మన తెలుగు ఠీవి పీవీ
జె.శ్యామల
2 comments
Befitting tribute to PV sir.Abhinandanalu Syamala garu
Excellent Shayamala madam garu