ఒళ్ళంతా కన్నీళ్లే
సంక్రాంతినెలా స్వాగతించాలి ?
ప్రతిచోటా ప్రాణరక్షణ పోరాటమే
సంక్రాంతినెలా స్వాగతించాలి ?
చుట్టూరా అభద్రతా వలయమే
సంక్రాంతినెలా స్వాగతించాలి ?
కరోనా ఒంటరితనాన్ని అంటగట్టింది
సంక్రాంతినెలా స్వాగతించాలి ?
ఆగక ప్రవహించే నది కాలమే
పరిణామమూ ఆపలేనిదే
మనిషికున్న ఆస్థి ఆశే కదా…!
ఆత్మనిబ్బరం అజేయమై
కత్తెర వడగాలుల్ని నియంత్రిస్తుంది
భవిష్యత్తు పచ్చిక బయలై
మళ్ళీ ఆకుపచ్చగా మెరుస్తుంది
పరవశమై పరుగులెత్తుతుంది
గొంతు కొత్తదనాన్ని అద్దుకొని అప్పుడు
పండుగను సంబురంతో పిలుస్తుంది.
-తిరునగరి శ్రీనివాస్, 8466053933
