సంక్రాంతి..సర్వజన సుఖశాంతి

ఇంతుల కళాత్మకతను చాటే

ఇళ్ల ముంగిటి ముగ్గులు

బద్ధకాన్ని తగలేయమంటూ

భోగిమంటల భగభగలు

మంచి మార్పుకు సంకేతమిస్తూ

మకర రాశికి చేరే సూరీడు

అలౌకికానందం కలిగించే

హరిదాసుల నృత్యగానాలు

కొత్త బియ్యపు పొంగళ్ళు

సరికొత్త ఆశల పరవళ్ళు

పనికైనా సై..ఆటకైనా సైసై అంటూ

గర్వంగా తలలూపే గంగిరెద్దులు

చుట్టపక్కాలతో

విందు భోజనాల సందళ్లు

పిల్లల పెద్దల నవ్వుల పువ్వులు

భోగిపళ్ల పేరంటాలు

బ్రహ్మ కూడా మెచ్చే

బొమ్మల కొలువులు

ఘనమైన లక్ష్యాల సాక్ష్యాలు

గగనవీధుల ఎగిరే గాలిపటాలు

శోభాయమాన సంక్రాంతి

కావాలి సర్వజన సుఖశాంతి!

జె.శ్యామల