గుండు సున్నా దేనితోనైనా కలిసినా, విడిపోయినా ఫలితం జీరోనే. సున్నాను తలపైన ఎత్తుకున్నా, చంకలో పెట్టుకున్నా జరిగేదదే. ఇది పదే పదే నిరూపితమవుతూనే ఉంటుంది. అయినా ప్రయోగాలకు సాహసించే వారు ప్రయత్నిస్తూనే ఉంటారు. దెబ్బతింటుంటారు. మనం పాపం అనుకుంటూ వదిలేయాలి – బిజెపి జనసేన కలయికపై వైసిపి నాయకుడు రాజ్యసభ సభ్యుడు విజయసాయిరెడ్డి ట్విట్టర్ వేదికగా ఈ విమర్శ గుప్పించారు.
జనసేనను జీరో కింద జమకట్టారు. జనసేనపై మంత్రి అనిల్ కుమార్ యాదవ్ కూడా దారుణమైన వ్యాఖ్యలు చేశారు. జనసేన ఒక్క సీటు కూడా గెలవలేకపోయిందని ఆయన అన్నారు.