దివ్య దీపోత్సవం!

అమావాస్య చీకట్లను చీలుస్తూ

దీపావళి దివ్వెల వెలుగులు

‘ తమసోమా జ్యోతిర్గమయ ‘

కానీ..

చీకటి నుంచి వెలుగుకు నడిపేది

ఈ ప్రమిదల వెలుగులేనా?

ఈ కొవ్వొత్తి దీప కాంతులేనా?

ఈ విద్యుద్దీపాల తోరణాలేనా?

ఒక్కసారి ..ఒక్కటంటే ఒక్కసారి

నిజాయితీగా నీలోకి తొంగి చూడు

మనసంతా చీకటిమయం

హద్దెరుగని అహంభావం

అంతులేని అసూయ

స్వార్థం.. సంకుచితత్వం

వైషమ్యం.. విద్వేషం.. పైశాచికత్వం

వెరసి అక్కడంతా చిక్కబడ్డ చీకటేగా

నీకు తెలుసా?

బయటి చీకట్ల కన్నా

లోని చీకట్లే  పెను ప్రమాదం

అందుకే.. ముందు నీలోని చీకట్లను                   

మానవతా దీప్తులతో చీల్చు

నీవే ఒక వెలుగై భాసించు

అదికదా దివ్య దీపోత్సవం!

అదేకదా భవ్య దీపావళి!!

జె. శ్యామల